Transcription:
Sancta Praxedes
In nomine Domini amen. Dominus Petrus Capocci Sancti Georgii / ad Velum Aureum diaconus cardinalis legavit huic ecclesie C libras pro tvrri Castilionis et CCCCC libras proventuum ad emendum possessiones. Itaque dicte possessiones aliquo titulo alienari non possint, et teneantur abbas et conventus huius ecclesie annuatim dicti cardinalis anniversarium sollempniter celebrare, et iuraverunt omnia supradicta inviolabiliter observare et promiserunt quod omnes successores sui abbates monachi hec omnia supradicta in perpetuum observabunt, anniversarium vero predictum fieri debet XIII kalendas Iunii. Quicumque legerit oret pro eo. Actum est hoc anno Domini MCCLVIIII, pontificatus domini Alexandri IIII pape anno V [*].
