Transcription:
Sancta Praxedes
In nomine Domini amen. Anno incarnationis eius MCCLXXXVI, in die omnium Sanctorum obiit pie memorie dominus Ancherus presbiter cardinalis istius ecclesie Sancte Praxedis, pro cuius anime remedio dati sunt eidem ecclesie in possessionibus VIc floreni aurei, crux et candelabra argentea et alia ornamenta, et constructa in ea capella cum altari ob reverentiam omnium Sanctorum, et debet in capella ipsa lampas ardere semper et ter in qualibet septimana missa et in sequenti die post diem aia’ [?] quolibet anno per monachos ipsius ecclesie celebrari aniversarium solempniter pro eiusdem cardinalis anima, que requiescat in pace, amen [*].
