Sancti XII Apostoli
He venerabilis basilica in honore XII Apostolorum primo a Constantino fundata, posmodum ab hereticis fuit destructa; Pelagius et Iohannes summi pontifices eam in gradum pristinum restaurantes multorum sanctorum corporibus ac indulgentiis exornarunt: corporibus apostolorum Phylippi et Iacobi minoris in altari maiori reconditis, in destra parte Eugenie virginis et aliorum martirum corpora, in sinistra vero corpus Sabini martiris et colobium beati Thome apostoli; altaria sacra servant pedem Phylippi, brachium Iacobi Gebedei, costam Laurentii, spatulam et brachium Blasii; beatorum Apostolorum et Martirum supra posita fenestra reponi semper in VI feria quatuor temporum et V feria in albis ac in dominica qua cantante canitur tuba; statio hic est in […] et in kalendis Madii et in supradictorum sanctorum sollepnitatibus remissionibus a pontificibus Romanis concessis satis dignoscitur premunita [*].
