Sanctus Chrisogonus (1122)

Sanctus Chrisogonus

† Anno Dominice incarnationis MCXXIII, VIII idus Iulias, indictione prima, dedicatum est oratorium hoc a venerabilibus episcopis Petro Portuensi, Vitali Albanensi et Guilgelmo Prenestrino, presentibus dominis cardinalibus Iohanne presbitero tituli Sancte Cecilie, Petro presbitero tituli Calisti, Gerardo presbitero Sancte Hierusalem, Gregorio diacono Sancti Angeli, Romano diacono Sancte Marie in Porticu, Gregorio diacono Sanctorum Sergii et Bachi, cum ingenti mutitudine cleri et populi, presidente in Apostolica sede beatissimo Calisto papa II, anno pontificatus eius V. Quam dedicationem rogavit fieri frater Iohannes de Crema peccator, sacerdos tituli Sancti Grisogoni, qui idem oratorium cum continua domo, claustro et ceteris officinis construxit et prefatum titulum bonis et possessionibus ampliavit, ubi recondite sunt hec reliquie: de costa sancti Stephani protomartiris, de capite sancti Anastasii martiris, de capite sancti Sebastiani martiris, de sanguine et ossibus beati Laurentii et carbonibus, de brachio sancti Calisti martiris, de costa sancte Prisce, de sepulchro et spongia Domini, de reliquiis sancti Ipoliti martiris, Marci et Marcelliani martiris, de vestimentis sancti Iohannis evangeliste, de reliquiis sancte Tarsille, Triphoniset Respicii martiris, Agapiti martiris, de peplo sancte Barbare tincto sanguine, de reliquiis sancti Sixti pape et martiris, Adriani pape et martiris, Stephani pape et martiris, Cirille virginis, de capite sancte Rufine et sanguine Secunde sororis eius, sancti Cornelii pape et martiris, [de] sancte Nimfe virginis et martiris [*].