Transcription:
Sanctus Georgius Veli Aurei
† In nomine Domini amen. Dominus Petrus Capoccius, huius ecclesie Sancti Georgii cardinalis, legavit huic ecclesie terras sitas iuxta turrim dicte ecclesie, que dicitur ad Vallaran(um), ita quod dicte terre aliquo titulo alienari non possint, et teneantur clerici huius ecclesie annuatim dicti cardinalis anniversarium sollempniter celebrare, et capitulum istius ecclesie iuravit omnia supradicta inviolabiliter observare et statuit de cetero nullum recipere ni prius iuret servare omnia supradicta. Anniversarium vero predictum fieri debet XIII kalendas Iunii; quicumque legerit oret pro eo. Actum est hoc anno Domini MCCLIX, pontificatus domini Alexandri IIII pape anno V [*].
