Sanctus Iohannes Lateranensis
Quisquis ad hec tendis sublimia limina, lector,
et caperis tante nobilitate domus,
intentis oculis aule percurrere raras
desine materias arte iuvante manus,
lumina cum gressu prudens arguta cohercens
respice sollicitus quit velit hic titulus.
Hic tumulata iacent pastoris membra sereni,
quem decus ecclesie contulit Omnipotens,
pauperibus panis, nudorum vestis opima,
doctor et egregius qui fuit in populo;
iura sacerdoti, letas dum vidit aristas,
cetibus equavit naviger angelicis;
Albanum regimen lustro venerabilis uno
rexit; post summum ducitur ad solium,
in quo mutato permansit nomine presul,
Sergius ex Petro sic vocitatus erat,
ductus mente pia, Ihesu, dic parce, Redemptor,
utque vicem capias dic Deus hunc habeas.
Qui sedit anni II et m. VIIII et die XII; obiit mense Madi, die XII, indictione X, anno Dominice incarnationis millesimo tertio X [*].
