Sanctus Pantaleo trium clibanorum/fornorum (Santa maria del Buon Consiglio) (1201)

Sanctus Pantaleo trium clibanorum/fornorum (Santa maria del Buon Consiglio)

† In nomine Domini nostri Ihesu Christi, anno Domini MCCI, indictione VI, mense Octobris, die XXVIII. Manifestissimi iuris est ecclesiarum reparatores celorum regna adipisci; eapropter ego Aldruda, infelix Christi famula, uxor quondam Scotti Paparonis, Romani consulis, divino commota spiritu, ob reverentiam Omnipotentis Dei et beati Blasii martiris, pro redemptione animarum predicti viri et filii mei Iohannis Paparonis ecclesia ista, que funditus sui vetustate corruerat, reintegrari feci, supplicans lacrimabiliter servientibus Deo hic perpetu‹um› quatinus omni quarta feria per cunctorum annorum tempora pro predictorum viri et filii defunctorum animabus sacra deo offerant sacrificia et me indignam Christi famulam inter ipsa sacra sollempnia connumerare non dubitent [*].