Transcription:
Sancta Maria in Transtiberim
Vincere supplicibus properas qui sidera verbis
effusasque Deo tendis in astra preces,
hic pete quo Dominus praesentem commodat aurem:
hac nullus hominum tristis ab arce redit,
nullius hoc fructus pereunt sub culmine voti,
Iulius hic Christum quae cupis ille rogat,
hic duo pro populis Dominum suffragia flectunt,
cum pariter templum sancta Maria tenet.
Omnibus in templis quod iustis gratia praestat,
hic et peccantis impetrat alma fides;
hinc exauditus Crescentius addit honorem,
qui instructis aditis vota secunda tulit [*].
Vetus inscriptio quae olim in hac basilica exstabat restituta a. Chr. MDCCCLXX
