30 De porta Taurina
Porta Taurina dicta est ab olim a capitibus taurorum supra portam huiusmodi sculptis in ingressu et exitu dicte porte, ut ex hoc liquide pateret ad oculum quod ante et post ipsam antiquis temporibus fuisset forum taurorum, et locus ubi sita est dicta porta secundum cronicas Romanas dicebatur antiquitus regio Tauri [59].
Alias porta huiusmodi dicta est porta Tiburtina a Tiburto consule Romano, qui portam et civitatem Tiburtinam hedificavit eandem.
30, 3 Sed hodie porta huiusmodi dicitur a Romanis porta Sancti Laurentii, extra quam est sita ecclesia Sancti Laurentii foris Muros, constructa ab olim a Constantino Christianissimo Romanorum monarcha in honorem et reverentiam levite predicti.
