8 De Sancto Eustachio et Pingiata Demarii
De Sancto Eustachio et Pingiata Demarii, regione octava urbis - circa quod sciendum est quod huiusmodi regio ideo dicitur Sancti Eustachii a denominatione dicti sancti viri, tunc gentilis principis Romani nondum Christiani, habentis primatum in huiusmodi regione, qui prius Placitus dicebatur causa que sequitur infra scripta. Nam cum die quadam extra urbem pergeret ipse venatum, obviam habuit quendam cervum ingentem, quem ut vidit, summa cum diligentia sequebatur et eum avide insequendo conabatur occidere; qui faciem Eustachio vertens, inspexit Christum, inter cornua eius ingentia permanentem et dicentem sibi: Cur me, Placide, persequeris? [254] Confestim attonitus terruit vehementer.
8, 2 Unde a tam felici augurio ortum est ut incole regionis eiusdem de cetero in ipsorum vexillo deferant signum cervi in campo rubeo situm, ob reverentiam eiusdem sancti augurii [255].
8.8.4. Pingiata Demarii dicitur a Demario figulo qui in regione eadem faciebat pingiatas, id est ollas et alia vasa terrea ad usum gentium humanarum.
